Udalekuetan izena emateko epea gaur zortzi hasiko da
Uztaileko udalekuetan izena eman daiteke online, hilaren 11tik 24ra bitartean. Hamabostaldi bat edo hilabete osoa aukera ahal izango da.
Oiartzungo udalekuetan izena emateko epea hilaren 11n —datorren astelehenean— irekiko dute. Haurren gurasoek hilaren 24ra arte izango dute horretarako denbora.
Uztailaren 1etik 30era bitartean izango dira udalekuak, eta HH3tik LH6ra bitarteko haurrei daude zuzenduta. 400 toki eskainiko dituzte guztira Abaraxka eta udalaren udaleku horietan.
Ludotekaren webgunearen bitartez eman ahal izango da izena. Hamabostaldietako bat edo biak aukera daitezke.
Guraso bileraren data eta ordua zehaztu dute. Ekainaren 12an izango da, 17:00etan hasita, udaletxeko pleno aretoan. Bertan zalantzak argituko dituzte, udalekuen nondik norakoak azaltzeaz gain.
Hamabostaldi bat
- Normala: 41,82 euro.
- Normala + autobusa: 55,42 euro.
- Matrikulatutako hiru ume: 32,43 euro bakoitzak.
- Matrikulatutako hiru ume eta autobusa: 42,88 euro.
- Familia gurasobakarrekoa: 29,28.
- Familia gurasobakarrekoa + autobusa: 38,77.
Hilabete osoa
- Normala: 83,64 euro.
- Normala + autobusa: 111,90 euro.
- Matrikulatutako hiru ume: 65,37 euro bakoitzak.
- Matrikulatutako hiru ume eta autobusa: 86,78 euro.
- Familia gurasobakarrekoa: 58,57.
- Familia gurasobakarrekoa + autobusa: 78,31.
Informazio gehiagorako edo harremanetan jartzeko, e-posta bidez jar daiteke harremanetan, edo telefonoz deituta (943 506 412 edo 645 005 496).
