Zaria Koru Eskola eta Quebeceko Les Petits Chanteurs de Lavalen kontzertua, etzi
Iztieta auzoko San Jose Langilearen elizan izango da emanaldia, 20:00etan; Quebecekoek egingo duten biraren lehen emanaldia izango da.
Zaria koru eskola. Argazkia: Ainhoa Irureta Nazioarteko haur abesbatzarik garrantzitsuenetako bat izango da Errenteria-Orereta, Quebeceko Les Petits Chanteurs de Laval, hain zuzen ere. asteazkenean izango da, hilaren 6an, eta 20:00etan hasiko dute emanaldia Zaria Koru Eskolarekin batera Iztietako San Jose Langilearen elizan. Sarrera, doakoa.
Philippe Ostiguyk zuzenduta, Celine Dion, Montrealgo Opera, Cavalia, Cirque du Soleil, Game Orchestra, Montrealgo Orkestra Sinfonikoa, eta Lavalgo Orkestra Sinfonikoa bezalako artista ospetsuekin elkarlana egindu. “Bere ospeak, Kanadako mugak gainditu ditu, Ameriketako Estatu Batuetan, Europan eta Asian birak egin ondoren”, esan du Zaria Koru Eskolak. Ez da Kanadako abesbatzak Errenteria-Orereta bisitatuko duen lehen aldia, aurretik izanak dira bertan, 2019an zehazki.
Aurtengoa bereziki oparoa izango dela Errenteria eta Gipuzkoan gaineratu du Zariak, “lankidetzan programatutako nazioarteko hainbat kontzerturi esker. Asteazkeneko kontzertuaz gain, beste abesbatza ospetsu batzuk ere izango dira gurean, Lilleko (Frantzia) Ekla, Castelnaudaryko (Okzitania) Choeur Piccolo, Nachodeko (Txekia) Canto, eta ziurrenik Portugalgo Coro de Pequenos Cantores de Esposende”.
Bisita horiek ez dira kontzertuetara mugatuko , erreferentziazko koru eta zuzendariekin abesbatza tailerrak ere egingo dituzte: “Jarduera horien bidez, Zaria Koru Eskola musika prestakuntzarako metodo propioa garatzen ari da, eta bere ikuspegi pedagogikoak, berriz, garapen pertsonala sustatzea eta elkarbizitzarako funtsezko balioak indartzea du helburu”.
