EPLEk bi final jokoan asteburuan
Bi finaletara sartzea lortu zuten joan den asteburuan EPLEkoek. Taldekako Erremintakoan eta Gipuzkoako Gazte Mailako Eskuz Banakako Trinkete Txapelketan.
Eiheramendi eta Abel gorriz, Estefano eta Rubenekin Atano III pilotalekuan. Argazkia: EPLE Bikain ari dira EPLEko pilotariak eta horren adierazgarririk garbiena lortzen ari diren emaitzak dira. Bi finaletara sartzea lortu zuten joan den asteburuan EPLEkoek. Taldekako erremintan, Donostiako atano III.ean jokatutako finalerdietan garaipena paletan zein pala motzean Sopelako Kurene klubaren aurka.
Larruzko paletan garaipena Yorelek eta Rubenek (35-30). Kosta egin zitzaien partidan sartzea EPLEkoei, 20. tantora arte ez zuten lortu, baina une horretatik aurrera ohiko mailan jokatu zuten eta lehen puntua eskuratzea lortu.
Eiheramendik eta Abelek partida ona hasieratik pala motzean. oso erregularrek izan ziren partida osoan eta 40-31 irabazi zuten.
Finala hurrengo larunbatean jokatuko dute, arratsaldez, Gasteizko Adurtza pilotalekuan. Oarsoaldeko kluben arteko lehia izango da, izan ere Oiartzungo Txost izango dute EPLEkoek aurrez aurre.
Finalera iritsi dira, baina horrekin batera, datorren denboraldian Ohorezkko Mailan Euskal Liga jokatzeko txartela eskuratu dute.
Bigarren finala, Gipuzkoako Gazte Mailako Eskuz Banakako Trinkete Txapelketakoa izango dute. Eneko Lizarazuk Irurako finalaurrekoa irabazi zuen joan den asteburuan 20-35, Mundarro Klubeko Zabalaren aurka. Igande goizean jokatuko du finala Lizarazuk behar Zana klubeko Iparragirreren kontra.
