Arabako Biraren hamahirugarrena antolatu du Urdaburuk
San Zadorniletik abiatuta Villafria de San Zadornil, Santa Ana gailurra, Puron ibaiaren haitzartea eta Ribera herrixka igarota, Lalastran bukatuko dute etapa.
San Zadornil izango dute abiapuntu, Arabako biraren hamahirugarrenean. Arabako Biraren 13. etapa antolatu du Urdaburu Mendizale elkarteak hilaren 16an. San Zadorniletik abiatuta Villafria de San Zadornil, Santa Ana gailurra, Puron ibaiaren haitzartea eta Ribera herrixka igarota, Lalastran bukatuko dute etapa. Bost ordu eta erdikoa izango da zeharkaldia denera. Hemen klik eginda ibilbidearen gaineko informazioa kontsulta daiteke.
Irteera 07:30ean izango da Zumardiko autobus geltokitik—Panier— eta 07:45ean Aritzetatik.
Izena eman nahi dutenek Urdabururen egoitzara jo behar dute astearte eta ostegunetan 19:00etatik 21:00etara edo egun eta ordu beretan 943 52 78 79 telefono zenbakira deitu. Online ere eman daiteke izena.
