Emakumeen Binakako Pilota Txapelketako partida, Madalensoron
Datorren igandean, Andrea Aldaregia eta Olatz Ruiz de Larramendik osatutako bikotea Goiuri Zabaleta eta Irati Zabalaren kontra arituko dira.
Goiuri Zabaleta, pilota astintzen, pasa den asteburuan jokatutako partidan. Atzean du, urdinez ere, Irati Zabala [Arg.: Ados Pilota]. Datorren igandean, hilak 10, Ados enpresak antolatzen duen esku huskako Binakako Txapelketako partida jokatuko dute. Emakume pilotari profesionalak biltzen dituen enpresa bakarra da Ados.
Gerriko gorria jantziko dute Andrea Aldaregia latasarra eta Olatz Ruiz de Larramendi eulatearra izango dira. Nafarrek arerio izango dituzte Goiuri Zabaleta leitzarra —hamalau urte besterik ez ditu— eta Irati Zabala lizartzarra.
Partida igande eguerdian izango da, Madalensoron, 12:00etan hasita. Sarrerak 5 euroan jarriko dituzte salgai, Oiartzungo pilotalekuko txarteldegian. Aurretik —11:00etan hasita— Oiartzungo pilota eskolako haurrek partidak jokatuko dituzte.
Gorriek pasa den asteburuan hiru tantogatik galdu zuten, Arrieta eta Mujikaren kontra. Igandean urdinez jokatuko duten Zabaleta eta Zabalak jokatutako partidak, berriz, markagailu estua utzi zuen, tanto bakarragatik irabazi baitzieten Elizalde eta Mendibururi.
Txapelketaren jarraipena egin daiteke haien Facebook orrialdean edo Instagrameko profilean.
