Harro Herri Eguna egingo dute familiek larunbatean
Korrika Batzordeak antolatu du eguna, eta atzerritik herrira etorritako familiak eta bertakoak batuko dira haren bueltan.
Korrika esanahia eta leloa barruan hartuta marraztu eta margotuko dute familiek. Korrika batzordeak Harro Herri Eguna antolatu du larunbatean Errenteria-Oreretan. Udalerriaren hizkuntza aniztasuna kontuan hartzen duen ekintza “polita” eta “interesgarria” izango dela larunbatekoa nabarmendu dute antolatzaileek.
Antolatutako ekintzetan, bat egingo dute atzerritik herrira bizitzera etorritako eta bertakoak diren familiak; elkarrekin, Korrikaren esanahia eta leloa barnean hartzen dituen mezu bat sortzea, eta panel batzuetan paperaren gainean hainbat hizkuntzetan marraztea eta margotzea izango dute egitekoa. Horretarako, Zumardian elkartuko dira larunbatean, 11:00etatik aurrera haur eta gurasoak, elkarrekin Korrikaren ingurukoak marrazteko eta margotzeko. Ondoren, haurrentzako jolasak antolatu dituzte Zumardian bertan, baita bestelako ekintzak ere.
Behin marrazkiak osatuta, Korrikan zehar —hilaren 14tik 24ra— Lau Haizetara Euskaltzaleon Topagunearen egoitzako —Joxepa Antoni Aranberri anitzenean— leihoetan jarriko dituzte ikusgai. Familia guztiak animatu dituzte parte hartzera eta “goiz pasa polita” egitera elkarrekin.
Egitaraua
- 11:00: Horma irudi margoketa
- 11:30: Haur txokoak jolasak eta eskulanak.
- 12:30: Bizi bizi zirkua, Kiki eta Kokorekin.
