Txistu doinuak eta gehiago, emakumeentzat
Udal Txistulari Taldeak Martxoaren 8ko kontzertu berezia eskainiko du igandean, 12:30ean hasita, Emakumeen Etxean.
Ilargi abeslari lezoarra da kontzertuko gonbidatuetako bat. Martxoaren 8ko egitarauaren barruan, kontzertu berezia jasoko du Errenteria-Oreretako Emakumeen Etxeak igandean (hilaren 10ean). Udal txistulari taldeak Emakumeen Egunari begirako emanaldia eskainiko du, herriko emakume txistulariekin, Ilargi Arrizabalaga abeslari lezoarrarekin, eta Nora Indakoetxea pianista errenteriarrarekin.
Ekitaldiaren gidaria Axun Erzibengoa Aizpiolea izango da, hura izango da aurkezlea. Honakoak dira kontzertuaren oinarri izango diren piezak:
- Violetaren martxa (Oskorri). Moldaketa: Sabin Bikandi Belandia.
- Andreen fabore (Oskorri). Moldaketa: Sabin Bikandi Belandia.
- La del pañuelo rojo (Avelino Agirre). Moldaketa: Tomas Garbizu Salaberria.
- Ituren Zubieta, Tomas Garbizu Salaberria.
- Zubietako neskatxarentzat (Raul Madina). Moldaketa: Fernando Remotxa.
- Poxpoliña, Josu Elberdin Badiola.
- Las mujeres, Maria Catharina Linnemann.
- Canción sin miedo, Vivir Quintana.
