Lezok dinamika eraldatzaile eta partekatu bat abiatu behar duela dio M8an
Lezoko udalak Gobernantza Feminista ezinbestekoa dela dio Martxoaren 8an argitaratu duen adierazpen baten bidez.
Lezoko udalak gobernantza feminista helburu duela dio adierazpen baten bidez, eta ildo horretatik, elkarlanerako eta sistema publikoaren defentsarako bideak ezartzeko eta eraikitzeko garaia dela adierazi du.
Pasa den azaroko Greba Feminista Orokorra ekarri dute gogora, eta herrian egindako lanketaren ondorioa azpimarratu nahi izan dute: zaintzaren lan karga gehiena emakumeen gainean erortzen dela. Gauzak horrela, egoera horri erantzungo dioten politika publikoek emakumeak boterera eraman behar lituzkeela diote udaletik, eta horretarako Gobernantza Feminista arrera eramatea ezinbestekoa dela gehitu dute.
Horretarako, publikoaren eta komunitarioaren arteko harremanei garrantzia eman nahi diete: “Estruktura estankoak apurtu behar ditugu eta sail ezberdinen artean proiektu konpartituak eraiki eta kudeatu behar ditugu”. Hain justu, dinamika eraldatzaile eta partekatua abiatzeko, erakundeetatik ahalegin eta konpromiso hori aitortu beha dela diote proposamenak eta aldarrikapenak jasoz, bai eta topaketa eta elkarrizketa guneak bultzatuz eta indartuz ere.
Horregatik Lezoko Udalak Lezoko Mugimendu Feministak herrian bultzatu dituen dinamikarekin bat egin du, eta Martxoaren 8ko deialdia babestu du herritarrei bertaratzeko deia eginez.
