Manifestazioa eta bertso saioa, M8ko aldarriak lau haizetara zabaltzeko
Martxoaren 8a da gaur, eta Oiartzungo Feministen Asanbladak bi ekitaldi antolatu ditu gaurko. Ikastetxeetan ere landu dute gaia.
Herriko 43 emakumeren wikibiografiak ikusi ahal izan dira astean zehar. Emakumearen Eguna da gaur, eta urtero bezala, aldarri feministak kalera aterako dira. Oiartzungo Feministen Asanbladak bi ekitaldi antolatu ditu gaur arratserako.
Lehenik eta behin, urteroko manifestazioa egingo dute. 18:30ean aterako da Done Eztebe plazatik, eta toki berean bukatuko da. Aurtengo aitortza Oiartzungo Wikiemakumeak taldeari egingo diote (hemen, duela lau aste Hitzak haiekin izandako elkarrizketa).
Izan ere, aurtengo martxoko egitarau morea-ren leloa Itzaletik argira da, eta emakumeen biografiak sortzearen bidez egindako lana aitortu nahi diete wikilariei. 43 emakume oiartzuarren biografiak jarri zituen mugimendu feministak plazan, ikusgarritasuna helburu duen wikilarien lana bera ikusgarri egiteko. Izan ere, Oiartzungo Feministen Asanbladarentzat
Bertsolariak, Girizian
Gaualdean, berriz, bertso afari feminista egingo dute. Gai jartzailea Izaro Telletxea Delgado izango da, eta Irati Alcantarilla, Haizea Arana, Alaia Martin eta Ekhiñe Zapirain ariko dira kantuan. Girizia elkartean izango da, 21:30etik aurrera. Sarrera guztiak agortu dira.
Bestalde, herriko ikastetxeetan ere Martxoaren 8a ospatzen ari dira, Elizalden zein Haurtzaron.
