Etxeberria eta Landa, 22 urtez azpiko Euskal Ligako txapeldun
Oiarpeko bikoteak Oberena taldeko arerioak menperatu zituen, Laudion, markagailu estu batekin. Beste hemezortzi partidatan, hamar garaipen.
Oihan Etxeberria eta Unax Landa, ostiralean, Laudion. Oiarpeko pilotariek asteburuko karteleran gorriz nabarmenduta zuten partida bat: 22 urtez azpikoen Euskal Ligako finala. Pasa den ostiralean, Oihan Etxeberriak eta Unax Landak jokatu zuten, Laudioko Areta auzoko pilotalekuan.
Oberena taldeko Sanchez eta Lazkoz izan zituzten parez pare. Oiartzuarrak iruindarrak baino gehiago izan ziren, baina markagailua estua izan zen: hiru tantogatik nagusitu ziren oiartzuarrak. Beste txapela bat ziurtatu zuten, beraz, oiartzuarrek, eta hori ez die inork kenduko.
Etxeberriak, gainera, bihar beste garaikur bat lortzeko aukera izango du. 19:30etik aurrera, Soraluzeko lau t’erdiko finala jokatu du Bergarako pilotalekuan, Etorkizuneko Pilotariak kategorian. Umore Ona Goizuetako taldeko Beñat Apezetxea izango da arerioa.
Gainontzeko partidei dagokienez, hemezortzi gehiago jokatu zituzten, eta horietako hamarretan nagusitu ziren oiartzuarrak. Emaitza guztiak ikus daitezke hemen.
