'La Infiltrada' filmaren grabaketa atzeratu dute, eguraldi txarragatik
24 orduko atzerapena izango dute grabaketa lanek. Asteazkenean San Pedron izango dira, eta ostegunean, berriz, Donibanen.
Egunotarako iragarri duten eguraldi txarragatik, La infiltrada filmaren grabaketa berriro atzeratzea erabaki dute. Hala, 24 orduz atzeratuko dituzte lanak. Hasiera batean bihar (asteartea, hilak 12) eta etzi (asteazkena, hilak 13) egitekoak ziren grabaketa horiek, baina atzerapena dela eta, etzi eta ostegunean (hilak 14) izango dira.
Asteazkeneko grabaketen ondorioz, beraz, Pasan San Pedroko Arraunlari kalean noizbehinka ibilgailuen eta oinezkoen pasabidea moztuko dute. Halere, bizilagunen zirkulazioa bermatuta izango dela jakinarazi du udalak.
Ostegunean, berriz, Donibaneko Santiago plazan egingo dituzte grabaketak. Ondorioz, 00:00etati aurrera Bizkaia plazako aparkalekua grabaketa taldeak erabiliko du. Udalak aurreratu duenaren arabera, 19:00ak inguruan bukatuko dituzte grabaketak, eta ordutik aparkalekua erabilgarri izango da berriro.
