Intxaurrondoa ez dute bakarrik utzi
Hilak gogorarazteko ekitaldia egin du Abaraxka ludotekaren komunitateak, Ibargain parkean. Batez ere emozio eta sentimenduak loratu dira.
Larunbat arratsaldean egin zuten urteroko ekitaldia [www.gazteoiartzun.net].
Pirritx, Porrotx eta Marimotots pailazoek enkargua utzi zuten 2021ean, urteroko emanaldiaren ondoren. Intxaurrondo ernamuina utzi zuten oiartzuarren eskuetan, hilak gogorarazteko sinbolo gisa.
Ordutik, urtero-urtero errepikatu du ekitaldia Abaraxka udal ludotekak eta haren komunitateak. Ibargain parkera joaten dira, eta han aurrez pentsatu eta prestatutako ekintzak egiten dituzte, memoriaren intxaurrondoaren inguruan.
Musika, antzerkia, bertsoak, erraldoia txikiak, joaldunak eta beste hainbatek ez zuten hutsik egin. Oiartzungo nagusi eta helduek bat egin zuten emozioak gehien loratzen diren ekitaldian.
Bideoan laburtu dituzte ekitaldiko hainbat momentu.
