[Argazkiekin] Olinpiadak mendian ere egin daitezkeelako
Baga, Biga, Ligako bigarren jardunaldia egin dute. Mendi-jolasa egin dute, lau probakoa. Garaipena partekatu egin dute.
Gurutze izan zen lehenengo probaren geldialdia. Biyurrieneak antolatutako Baga, Biga, Liga gazte olinpiaden bigarren jardunaldia egin zuten pasa den larunbatean. Oraingoan, mendira jo zuten, Done Eztebe plazan hasita, eta lau proba egin ondoren abiapuntura bueltatu ziren.
Hamasei taldeak binaka atera ziren, batera baina ez nahasita, eta bost proba egin behar izan zituzten. Urkabe, Gurutze, Beloaga eta tanatorioa izan ziren geralekuak.
Puntu gehien lortu zituztenak Bost Gutxi —ez ziren izenarekin koherente izan— eta Artaldea —korronteari ez zioten jarraitu— izan ziren. Beraz, ohorea partekatu zuten, hamarna punturekin. Haien atzetik geratu ziren Mokolloak —lehen jardunaldiko onenak— eta Belarrimotzak, bederatzina punturekin. Zortzina lortu zituzten Txatxi Txetxo, Sorgins eta Bueltak (behean ikus daiteke sailkapen osoa).
Goizean botatako izerdia berreskuratu eta bateriak berriro kargatzeko, pintxopotea egin zuten probak bukatuta. Hurrengo proba apirilaren 20an izango dira; gau-jolasak programatu dituzte ordurako.
Biyurrieneak helarazitako argazkiak ikus daitezke sailkapenaren azpian.
Sailkapena
- Artaldea eta Bost Gutxi.
- Mokolloak eta Belarrimotzak.
- Txatxi Txetxo, Buelta eta Sorgins.
- Delta.
- Mateo+6 eta Tronkun.
- Karrantza.
- Txakoak.
- Embutidos.
- Kuadritx.
- Fededunak
