Udaleku irekietan izena eman daiteke jada
Gaur ireki dute udalekuetan izena emateko epea. Hilaren 24ra arte eman daiteke izena. Uztailaren 1etik 30era biartean izango dira.
Gaur hasi da uztaileko udaleku irekietan izena emateko epea, hilaren 24ra arte. Matrikula online egin beharko da, ludotekaren webgunean (goiko barran aukera ematen du). Oiartzungo Udalak eta Abaraxkak antolatzen dituzte udaleku horiek.
“Balore hezitzaileak aintzat hartuta, ongi pasatzeko goiz pasa eskaintza zabala izango dute haurrek; errekara edo igerilekura joan, tailerrak egin, jolastu eta lagunartean gozatzeko”, gogorarazi dute antolatzaileek. 400 toki eskainiko dituzte, HH3tik LH6ra bitarteko haurrentzako.
Oiartzunen erroldatuta egon behar da, edo Elizaldeko edo Haurtzaroko ikasle izan behar dute. Epez kanpoko izen-emateak ez dituztela kontuan hartuko ohartarazi dute.
Uztailaren 1etik 30era bitartean izango dira udalekuak. Hamabostaldietako bat edo biak aukera daitezke.
Gurasoentzako aurkezpen bilera ekainaren 12an izango da, 17:00etan hasita, udaletxeko pleno aretoan.
Hamabostaldi bat
- Normala: 41,82 euro.
- Normala + autobusa: 55,42 euro.
- Matrikulatutako hiru ume: 32,43 euro bakoitzak.
- Matrikulatutako hiru ume eta autobusa: 42,88 euro.
- Familia gurasobakarrekoa: 29,28.
- Familia gurasobakarrekoa + autobusa: 38,77.
Hilabete osoa
- Normala: 83,64 euro.
- Normala + autobusa: 111,90 euro.
- Matrikulatutako hiru ume: 65,37 euro bakoitzak.
- Matrikulatutako hiru ume eta autobusa: 86,78 euro.
- Familia gurasobakarrekoa: 58,57.
- Familia gurasobakarrekoa + autobusa: 78,31.
Informazio gehiagorako edo harremanetan jartzeko, e-posta bidez jar daiteke harremanetan, edo telefonoz deituta (943 506 412 edo 645 005 496).
