Ipuinekin jolasean arituko dira astelehenean
Lur Kortak ipuinak kontatuko dizkie 2 eta 3 urteko haurrei, hilaren 18an. Irakurzaletasuna sustatu nahi dute saioarekin.
Manuel Lekuona bibliotekak eta Oiartzungo Udalak, elkarlanean, txikienen artean irakurzaletasuna sustatzeko ekintzak antolatu ohi dituzte. Horietako bat da hileroko ipuin kontaketa saioa.
Datorren astelehenean, hilak 18, izango da martxoari dagokiona. Lur Kortak ipuinak kontatuko dizkie 2 eta 3 urteko haurrei, bibliotekan. Saioa 17:00etan hasiko da, eta antolatzaileek garaiz joateko aholkua helarazi diete bertaratuko direnei. Haur bakoitzeko heldu bakarra sar daitekeela gogorarazi dute.
