Lezok 23. Korrikari merezi duen harrera egingo dio
Hilaren 23ra arte hainbat ekitaldi jasoko ditu herriak. Korrika iritsiko den egunerako, egun osoko egitaraua.
22. Korrikan Lezon lekukoak eraman zituztenen talde argazkia. Lezoko Korrika Batzordeak ekitaldiz josi du 23. Korrika Lezora iritsi arteko bidea. Gaur hasiko da AEKren sostengurako eta euskararen zabalkunderako martxa ibiltari erraldoia Irunen (16:00etan). Euskal Herri osotik bira egin ondoren, Baionako bukaeraren bezperan iritsiko da Lezora, hilaren 23ko 23:36ak inguruan. Ordura arte Korrikaren zirrararen tenperatura handitzeko hainbat dira Lezon antolatutako ekitaldiak. Batzuk eginak daude, baina egitekoen zerrenda luzea da.
Honakoa da, puntuz puntu, Korrika Batzordeak osatu duen egitaraua:
Bihar (hilak 15, ostirala)
- 19:00etan, Oroitzene AEKn, Lezon lekukoa eramango dutenei peto banaketa, brindisa, eta talde argazkia.
Hilak 21 (osteguna)
- 11:30ean, Donibanetik Lezora (termika zenetik herrira), Dinokorrika (adinekoen Korrika)
- 18:30ean, Gezala Auditoriumean, Oihaletxea dokumentalaren proiekzioa Lander Garro zuzendaria bertan dela.
Hilak 22 (ostirala)
- 12:15ean, Pasaia-Lezo Lizeoaren Donibaneko egoitza nagusitik abiatuko da Korrika Gaztea Lezorantz. Eskualdeko 3. zutabea da.
- 15:30ean, Goiko Plazan hasita, Korrika Txikia. Lezo zeharkatu ondoren Karlos Saldise plazan bukatuko dute bidea. Askaria izango dute han gaztetxoek.
Martxoak 23 (larunbata). 23. Korrika Lezora iritsiko da
- 14:00etan, herri bazkaria Karlos Saldise plazan. Txartelak Oroitzene AEKn eskura daitezke, baita 607 59 88 71 telefono zenbakira deituta ere. Helduen menua: 17 euro; haurrena: 7 euro. Menu barazkijalea ere badago.
- 16:00etan, bingo musikatua Karlos Saldisen.
- 17:00etan, Goiko plazan, kuadrillen arteko sokatira txapelketa (16 urtetik gorakoentzat). Bitarte horretan haurrentzako herri jolasak izango dira. Kuadrillen sokatira txapelketan izena emateko 626 14 66 39 telefono zenbakira deitu behar da (gutxienez sei kideko taldeak).
- 18:00. Elektrotxarangaren irteera herritik
- 20:00etan, afari merienda Saldisen.
- 20:30ean, berriz ere elektrotxarangaren irteera.
- 21:30ean, Txirbilla Sound System.
- 23:36an, 23. Korrika Lezora iritsiko da.
- 00:00-02:00, DJ Kalimoustro Lezon.
Martxoak 24 (igandea). 23. Korrikaren bukaerako festa Baionan.
- Baionako bukaera ekitaldietara joateko autobusa antolatu da. 09:30ean aterako da Sotxo paretik. Autobuseko txartelak Oroitzene AEKn daude salgai, 15 euroan.
