Bihar abiatuko dute bigarren Koru Zikloa
Asteazken, ostegun eta ostiralean izango dira kontzertuak, Trintxerpeko parrokian.
Bigarren Koru Zikloari hasiera emango diote bihar (hilak 20). Trintxerpeko parrokiak jasoko ditu saio guztiak, 20:00etan izango dira. Ez da sarrerarik ordaindu beharko.
Bihar Ilunbe, Cum Jubilo eta Easo Gregoriano abesbatzen txanda izango da. Ostegunean (hilak 21) berriz, El Otxote Illunbe, Ibaiertz eta Aita Garayoa abesbatzek eskainiko dute emanaldia. Azkenik, ostiralean (hilak 22), txikien txanda izango da. Pasaian, San Luis, Karmengo Ama, Oñati Ganbara Txiki eta Eskolania del Coro Easo abesbatzek itxiko dute zikloa.