Oiartzungo argazki zaharrak biltzen ari dira, erakusketa osatzeko
Zaintzadi egitasmoaren zein Topalekuaren ekimenez, belaunaldien arteko erakusketa bat egingo dute apirilaren 22tik 29ra. Herritarrei argazkiak eskatu dizkiete.
[Auñamendi entziklopediatik hartutako argazkia]. Zaintzadik eta Oiartzungo Topalekuak belaunaldien arteko erakusketa prestatzen ari dira. Zaharren interesetik sortutako iniziatiba da, eta egun gazte diren pertsonekin harremana sortu nahi dute.
Izan ere, gaur egun ez dago belaunaldiak elkartuko dituen gunerik. Erakusketa baten bidez hasi nahi dute bidea urratzen, eta argazki zaharrak biltzen hasiko dira. Hiru modutara bidera daitezke. E-posta bidez helaraz daitezke, alde batetik.
Bestetik, modu fisikoan helaraz daiteke bihar arratsaldean. Landetxeko egongelara eraman daitezke. Azkenik, Topalekuarekin elkarlanean, bertako gazteek haien aiton-amonen bidez, argazki zaharrak eskuratuko dituzte.
Erakusketari dagokionez, apirilaren bukaeran egingo dute. Zehazki hil horren 22tik 29ra bitartean izango da. Erakusketarekin batera, hainbat jarduera gehiago antolatuko dituztela aurreratu dute.
