Oiartzungo bi bikoteek, garaipena Giriziaren pala txapelketan
Euskal Herriko Pala Txapelketa Irekiko zortzi partida jokatu dituzte asteburuan. Arkotxa eta Larretxea eta Markos eta Bereziartua oiartzuarrak, garaile.
Asteburuan jokatu duten pilotarietako batzuk, Antxinen omenezko argazkiarekin. Zutik Elizalde, Urio, Toledo epailea, Larretxea eta Arkotxa. Makurtuta, Markos, Bereziartua, Rekondo eta Udakiola. Euskal Herriko Pala Txapelketa Irekia aurrera doa. Pasa den asteburuan jokatu zuten seigarren jardunaldia, zortzi partidarekin. Horien erdia Hirugarren Mailakoak izan ziren, beste hiru Bigarren Mailakoak eta azkena, Lehen Mailakoa.
Hirugarren Mailan, Oiartzungo bi bikoteri egokitu zitzaien jokatzea. Biek ala biek irabazi zuten. Arkotxak eta Larretxeak 25-13 irabazi zieten Urio eta Elizalderi. Alde txikiagoagatik nagusitu zen Markos eta Bereziaertuak osatutako bikotea, Rekondo eta Udakiolari 25-17 irabazita.
Oarsoaldeko beste bikote batek ere jokatu zuen. Ubeda eta Ormaetxea izan ziren jokatu zutenak, eta haiek ere irabazi egin zuten, nabarmen (25-10).
Zortzi partidetan aritu diren pilotariek xingola beltza jantzi dute besoan, Antxin Ezkerro Olaizolaren omenez.
Hirugarren Maila
- Arkotxa — Larretxea / Urio — Elizalde: 25-13.
- Markos — Bereziartua / Rekondo — Udakiola: 25-17.
- Pagoaga — Nuin / Landa — Olazabal: 20-25.
- Mancisidor — Ituarte / Perez- Perez: 25-12.
Bigarren Maila
- Arana — Beloki / Telletxea — Gurrutxaga: 25-14.
- Ubeda — Ormaetxea / Zurutuza — Manterola: 25-10.
Lehen Maila
- Iriarte — Erburu / Arizmendi — Arriaga: 23-25.
