Basajaun, Mari, Tartalo, galtzagorri eta lamien topagune
Gaztaño euskal mitologiaz jantziko da auzoko jaietan. Kamiseta ilustratzeko marrazki bila ari dira.
Mari. Argazkia: Wikipedia Gaztaño auzoko jaietarako hilabete batzuk falta badira ere oraindik aukeratu dute jada auzoa girotzeko gaia: Euskal mitologia. Urtero kamiseta jaietako gaiarekin ilustratzen dute, eta horretarako marrazki lehiaketa antolatu.
Marrazki lehiaketa hori martxan dutela jakinarazi du Gaztañoko jai batzordeak. Marrazkiak, euskal mitologiarekin lotua behar du eta lehiaketan parte hartzeko azken eguna, apirilaren 7a izango da. Marrazkiak auzo elkartearen postontzian utzi dezakete parte hartzen dutenek, edo jai batzordeko kideren bati eman. Online ere bideratu daiteke egin klik hemen. Batera edo bestera, egilearen izen abizenak eta harremanetarako telefono zenbakia jarri beharko dute.
Bestalde, pozik azaldu da Gaztañoko jai batzordea: “Bi batzar egin ditugu dagoeneko eta jende mordoak parte hartu du. Nabarmentzekoa da gazteen parte hartzea gero eta zabalagoa dela”.
