Beraun eta Kaputxinoetan ere, Harro Herri!
Korrika Txikiak euskararen aldeko mezua zabaldu du gaur goizean Beraun eta Kaputxinoak auzoetan, Cristobal Gamon ikastetxeko eta Bizarain Ikastolako ikasleek.
Korrika Txikiarekin gozatu dute Kaputxinoetan eta Beraunen. Cristobal Gamon ikastetxea eta Bizarain Ikastolako ikasle eta irakasleak, Harro Herri! Gogotik egin dute Korrika Txikian Cristobal Gamon eta Bizaraingo ikasleek gaur goizean, eta lau haizetara zabaldu euskararen aldeko mezua. Urduri, itxaron dute ibilbideko puntu ezberdinetan ikasleek lekuko aldaketa egiteko, eta irribarretsu. Kaputxinoak eta Bareun ere, Harro Herri direla argi erakutsi dute txiki eta gazteenek, eta gaurkoa, larunbat gauean Errenteria-Oreretara helduko den 23 Korrikarako beroketa gisa baliatu dute.
Bi zutabe antolatu dituzte: Kaputxinoetatik abiatu dira Cristobal Gamon ikastetxeko ikasle eta irakasleak, eta Beraundik Bizaraingoak. Bat egin dute bi ikastetxeetakoek Jaizkibel hiribideak eta San Marko kaleak bat egiten duten biribilgunean, eta bertatik elkarrekin egin dute bidea Pablo Sorozabal plazaraino auzoa korrika jarrita. Bidea zabaltzen AEK euskaltegiko irakasleak musika eta animazioa, erruz, zabaltzen.
Plazan bertan euskararen alde eta Korrikaren alde egin dute bi ikasleek irakurri duten mezuaren bidez, eta ondoren DJ kaktusek mikrofonoa hartu eta dantzan jarri ditu bazterrak.
