Korrikan ere, Palestinari keinu
Oreretako Mugimendu Feministak Palestinako bandera eta zapiak eramateko deia egin du lekukoa hartuko duen kilometroan. Bide beretik egin du Orereta Palestinarekin herri dinamikak.
Martxoaren 8ko manifestazioan keinu egin zioten Palestinari. Palestinarekiko elkartasunak bizirik jarraitzen du. Horren erakusle, azken orduetan Oreretako Mugimendu Feministak eta Orereta Palestinarekin herri dinamikak Korrikaren iritsieraren harira egindako eskaera.
Oreretako Mugimendu Feministak sare sozialen bidez jakinarazi du Munduko gatazka armatu ezberdinetako emakumeen erresistentzia omenduko duela. Mugimendu feministak Iztietako anbulatorio parean hartuko du lekukoa, 23:55ean, eta haiekin bat egiten dutenei eskaera luzatu diete Palestinako zapiak eta banderak eraman ditzaten elkartasuna adierazteko.
Bide beretik egin du Orereta Palestinarekin herri dinamikak. Euskara babestearekin batera Palestinako herriarekiko elkartasuna ikustaraztera deitu du Korrikan ere. Haiek ere Palestinako banderak eta zapiak eramatera deitu dituzte herritarrak Errenteria-Oreretatik barrena Korrikan egingo duen ibilbidean zehar. Bideoa zabaldu du dinamikak eskaera hori eginez sare sozialetan.
Korrika larunbatean igaroko da, eta gure hizkuntza babestearekin batera palestinar herriarekin elkartasuna ere ikustaraztea nahi dugu Orereta Palestinarekin herri dinamikatik, horregatik palestinar bandera edo zapia eramatea eskatu nahi dizuegu.
— OreretaPalestinarekin (@OPalestinarekin) March 21, 2024
GORA Palestina askatuta! pic.twitter.com/SUTPxGmMhl
