Madalenatako omendua hilaren 30era arte proposatzeko aukera
Aurten lehen aldiz herritarrek proposatu eta aukeratuko dute Madalen Jaietako omendua. Proposamenak hilaren 30era arte jasoko ditu udalak.
Aurreko ekitaldiko omenduen argazkia, ohorezko oroigarria jasotzeko unean. argazkia: Herri Bizia Aurtengo madalenetako omendua herritarrek proposatu eta aukeratuko dute lehenengoz. Proposamen horiek hilaren 30era egiteko aukera izango da, beraz herritarrak, eragileak eta udalean ordezkaritza duten alderdi politikoak garaiz daude beren hautagaiak aurkezteko.
Horretarako, eskaera bete behar da eta hura Zu Zure Udala arreta zerbitzuan aurkeztu, edota elektronikoki.
Orain arte proposamen asko jaso direla jakinarazi du udalak. Proposamena eta aukeraketa herritarren esku utzita, herritarrak udal erabakien parte izatea du helburu udalak.
