Aste Santuan, ordutegi aldaketak kiroldegietan
Galtzarabordako eta Fanderiako udal kiroldegien ohiko ordutegietan aldaketak izango dira. Helduentzako ikastaroen ordutegiak eta jarduerak ere aldatu egingo dira egun horietan.
Aste Santua gainean da, eta Galtzarabordako eta Fanderiako udal kiroldegien ohiko ordutegietan aldaketak izango dira egun horietan.
Galtzarabordako instalazioak itxita egongo dira hilaren 28an eta 29an eta apirilaren 1ean, hau da, datorren asteko ostegunean, ostiralean eta Pazko Asteko astelehenean. Hilaren 30ean (larunbata) Galtzarabordako kiroldegia 09:00etatik 21:30era irekiko da, eta hilaren 31n (igandea), aldiz, 09:00etatik 14:00etara.
Fanderiako guneari dagokionean, instalazioak itxita egongo dira hilaren 28tik apirilaren 1era, bi egunak barne.
Galtzarabordan eta Fanderian egiten diren ikastaroei buruzko araudiaren arabera, hilaren 25etik apirilaren 6ra bitarteko bi asteetan, kirol instalazioetan ematen diren helduentzako ikastaroen ordutegiak eta jarduerak aldatu egingo direla jakinarazi du udalak.
