Oiartzungo txokoak ezagutzeko txangoa, Haurtzaro Mendi Taldearekin
Apirilaren 14an hamar kilometroko ibilbidea egingo dute, Iturrioztik hasi eta abiatuta. Ozentzio baseliza ezagutuko dute, besteak beste.
Ozentzio bisitatuko dute, besteak beste, irteeran. Haurtzaro Mendi Taldeak irteera antolatu du apirilaren 14rako, igandearekin. Taldea martxan jarri denetik bigarren txangoa izango da. Oiartzungo txokoak ezagutzeko aprobetxatuko dute.
09:00etan jarri dute zita, Iturriozko frontoian, eta 13:15ean bukatuko da, toki berean. Hamar kilometroko ibilbidea egingo dute, Ozentzio kaletik abiatuta. Izen bereko baselizara iritsiko dira, eta bidean Garañoko iturria eta latsagia ezagutuko dituzte. Gurdibidetik gora, Matxilenda baserria gurutzatuko dira, Ozentziora iritsi baino lehen.
Handik Sorondorako bidea hartuko dute, Hirubideko borda ondotik pasatzea ahaztu gabe. Hortik, bide erosoa utzi, eta eskuinera joko dute, bidezidorra hartu eta Sarobe erreka inguratuz, Iturriotzera bueltatzeko.
Izena emateko galdetegia prestatu du Haurtzaro Mendi Taldeak.
