Heavy metal eta hard rock doinuak, larunbatean Niessenen
Gigatron eta Köntraband taldeak Niessen aretoko oholtzara igoko dira, 19:30etik aurrera. Sarrerek 12 euroko prezioa dute.
Argazkia: Gigatron. Z Live On Tour egitasmoaren barruan, Gigatron eta Köntraband taldeak Niessen aretoko oholtzara igoko dira larunbatean (hilak 30), 19:30etik aurrera. Gigatron Valentziako heavy metal talde bat da, eta 25. urteurrena betetzen eta ospatzen ari dira. Köntraband taldeak, aldiz, estatuko eta nazioarteko hard rockaren “bertsio onenak” joko ditu Errenteria-Oreretan. Antolatzaileek jakinarazi dute edariek prezio herrikoiak izango dituztela. Sarrerek 12 euroko prezioa dute, eta Ticketgate atarian eros daitezke. Sarrera erosten duten lehen ehun pertsonak Z Live jaialdirako abonu baten zozketan sartuko direla adierazi dute antolatzaileek.
Musikak, gainera, ez du etenik izango Niessenen, apirilaren 6an Tabu Musika Jaialdia antolatu baitute herriko aretoan. Pazko asteko larunbatean Vita Imana, Elebereth eta Anker taldeak igoko dira oholtzara, 20:00etatik aurrera. Sarrerak doan dira.
