“Udaberria loratzeko euria egin behar du lehenago”
Euskal Herri osoko gazte independentistak etorri dira gaurkoan Lezora. Eguraldia ez dute lagun izan, baina gazteak zoriontsu daude, eta ikasteko prest.
Maider Uribarri eta Olatz Magunazelaia lagun taldearekin. Motxila hiru egunetan bizirauteko oinarrizkoenaz bete, lo zaku eta kanpin dendaz hornitu eta Lezorantz egin dute bidea Euskal Herri osoko milaka gaztek. Maider Uribarri eta Olatz Magunazelaia, adibidez, Zornotzatik etorri dira, hitzaldietan parte hartzeko eta parrandan ateratzeko intentzioarekin. “Nahi dugu egun guztia eduki okupeta nahiz eta gero gauean urten. Gure asmoa da egun guztia egotea ekintzetan” kontatu du Magunazelaiak. Goiz osoan zehar euria gogotsu aritu da, baina zornotzarrak eguna dantzan hasi dute. Kanpin dendaz galdetuta lasai dira gazteak hiru egunetan furgonetan egingo baitute lo, “euskal burgesia” esan du barrez Uribarrik. Asteburu osoa igaroko dute Lezon, “full experience”-a bizitzera etorri dira.
Alartz Ugalde, Ane Lerga eta Maialen Muro lagunarekin.
Hurrengo gazteak, berriz, “abenturara” etorri dira. Hala esan dute Mendigorriatik zein Garesetik bertaratu diren Alartz Ugaldek, Ane Lergak eta Maialen Murok. Ondo pasatzeaz gain hitzaldi eta tailerrez ikasteko intentzioa dute hirurek, aldez aurretiko plan zehatzik gabe. Lezora heldu direnean Akanpalekuan kanpin denda prestatzeari ekin diote eta zaku bete gogo ekarri duten arren aitortu dute ez dutela eguraldi txarrari aurre egiteko behar haina material prestatu. “Ez dugu kanpin denda osoan zorurik. Poltsak erostera joan gara motxilak ez bustitzeko” azaldu du Murok.
Azken protagonistak ere kanpin dendetan lo egiten “saiatuko” dira, itzultzen direnean “lurrak tragatu ez badu”. Uribe Kostatik etorri dira (Sopela eta Algortatik, batik bat) Manex Palacio, Nahikari Gadea, Maddi
Manex Palacio, Nahikari Gadea, Maddi Gonzalez, Amaiur Rasines, Lorea Jauregi, Larraine Escobal, Aitana Ibañez eta Maddi Izaola.
Gonzalez, Amaiur Rasines, Lorea Jauregi, Larraine Ibañez eta Maddi Izaola. Beren kasuan kanpin denda euririk gabe jartzeko astia izan dutela kontatu dute. “Zerua triste, baina gu pozik gaude” bota du Palaciok barrezka. “Udaberria loratzeko euria egin behar du lehenago. Bihar aterako da eguzkia eta horregatik aterako dira loreak”, gehitu du Escobalek. Ondo pasatzeko eta ikasteko intentzioarekin hasi dute asteburua. Oraingoz, Zunban, bakarrizketa saioan eta Andoni Ollokiegiren kontzertuan parte hartu dute eta ondorengoak ikusten joango dira.
