Tronpa eta musugitarra, Herri Musika Jardunaldien protagonista
Sinposioak, bazkariak, tailerrak eta kontzertuak osatuko dute larunbateko egitaraua. Europa eta Asian duen hedapena aztertuko dute.
Herri Musikaren Jardunaldia hogeigarren aldiz antolatu du Soinueneak, datorren larunbaterako (hilak 27). Oraingoan, tronpa eta musugitarra instrumentuak izango dituzte hizpide eta entzungai.
Europako hainbat aditu hurbilduko dira Oiartzungo udaletxeko pleno aretora. Goizean sinposioa egingo dute, eta bertan Alessandro Zolt eta Harm J. Linsenek Asia eta Europako tronpa izango dute hizpide.
Haien ondoren, Euskal Herria eta Galiziako instrumentuei buruz arituko dira Francis Olivier Almeida, Xoxe Vázquez Che eta Juan Mari Beltran.
Arratsaldean Galiziako tronpak nola prestatzen diren azaltzeko tailerra zuzenduko du Vazquezek. Eguna bukatzeko, tronpa-joleek kontzertua emango dute udaletxeko pleno aretoan.
Egitaraua
- 09:30 – 10:00: Harrera.
- 10:00 – 10:30: Jardunaldien aurkezpena.
- 10:30 – 11:20: The jew’s harp in Europe: richness and complexity of an ancient tradition. Alessandro Zolt (International Jew’s Harp Society).
- 11:20 – 12:00: Lamellate Jew’s Harps from Asia with an emphasis on but not limited to the Indonesian Archipelago. Harm J. Linsen (International Jew’s Harp Society).
- 12:00 – 12:15: Atsedenaldia.
- 12:15 – 13:00: Un acercamiento a la Trompa Galega. Francis Olivier Almeida Otero eta Xosé Vazquez Suarez Che.
- 13:00 – 14:00: Tronpa-musugitarra Euskal Herrian. Juan Mari Beltran Argiñena (Soinuenea).
- 14:30 – 15:30: Bazkaria (Ibargain elkartean).
- 16:00 – 18:00: Taller de construcción de Trompa Galega. Xose Vazquez Suarez Che.
- 19:00: Tronpa-joleen emanaldia. Ander Barrenetxea (Euskal Herria), Juan Mari Beltran (Euskal Herria), Alessandro Zolt (Italia), Harm Linsen (Herbehereak), Xose Vazquez Suarez Che (Galizia), Francis Olivier Almeida (Galizia), Ramon Dopico (Galizia).
