Odola emateko aukera izango da hilaren 16an
Bi hilean behineko zita izango dute odol-emaile direnek eta izan nahi dutenek. Kiroldegiko bilera gelan izango da.
Oiartzungo odol-emaileek zita izango dute datorren asteartean, hilak 16. Bi hilabeteroko hitzordua izango da.
Herriko odol-emaileen elkarteak gogorarazi duenez, Elorsoro kiroldegiko bilera gelan egingo dituzte —aurten hasita— odol-erauzketak.
Hitzordua hartu beharko dute lehenago. Egunean bertan, 08:00etatik aurrera, dei daiteke 943 007 885ra edo 943 317 091 telefono zenbakietara. Odol-emate saioa 16:30ean hasiko da, eta 20:10era arte iraungo duela iragarri dute.
Beti bezala, antolatzaileek oiartzuarrak animatu dituzte, odola eman dezaten. Baldintzak honakoak dira: 18 urte gora izatea, eta 50 kilo baino gehiago pisatzea, eta osasun-egoera onean izatea.
Otsaileko datuak
Urteko lehenengo saioa otsailaren 20an egin zuten, eta 50 lagun hurbildu ziren bertara. Horietatik hiru izan ziren berriak. Kopuruak horrela banatu ziren, odol-taldeen arabera:
- O+: 22.
- O-: 8.
- A+: 12.
- A-: 5.
- B+: 3.
