Ganbera musikarekin hamabigarren hitzordua du Pasaiak
Hilaren 15etik 18ra, eta 26an, XII. Musika Astearen barruko kontzertuak jasoko ditu Trintxerpeko alkateordetzak. Musikeneko ikasleen saioak izango dira.
Pasaiako Ganbera Musika Asteko artxiboko irudia. Argazkia: Pasaia Musikal. Pasaia Musikalek eta Musikenek elkarlanean, Pasaiako Udalaren babesarekin, hamabigarrenez egingo dute herrian ganbera musika zikloa. Pasaiako Ganbera Musika XII. Asteak hilaren 15tetik 18ra nahiz 26an blatuko du doinu fin eta gozoz Trintxerpeko alkateordetza. Musikeneko ikasleen emanaldiak jasoko ditu barrutiko eraikin publikoak. Emanaldi guztiak doan izango dira, aforoa bete arte.
Egun guztietako kontzertuak 19:30ean hasiko dira. Hala, Trintxerpeko alkateordetzako zikloa zabalduko duen lehen taldea Saoko Quartet izango da, hilaren 15ean. Biharamunean Trio Bilkak girotuko du astea, eta 17rako, berriz, Quinteto Abracadabras taldeak ekingo dio emanaldiari. 18an, ostera, Nora Sin H ariko da alkateordetzan.
Hilaren 26an, ahotsa erdigunean. Kantu Eguna izango da: Lorea Lopez, Aitor Garitano, Estibaliz Arroyo eta Alaitz Artolak euren ahotsak protagonista izango duen errepertorioa plazaratuko dute.
