Palestinako sarraskia salatzeko artelanak, Foru Plazan
Orereta Palestinarekin taldeak antolatuta, Euskal Herriko 23 artistaren lanak erakusten ari dira Foru Plazan.
Euskal Herriko 23 artistak Israel Palestinan aurrera eramaten ari den genozidioa salatzeko artelanak sortu zituzten. Martxoaren 17an Donostian egin zuten manifestazioan aurkeztu zituzten.
Asteburu honetan, Errenteria-Oreretako Foru Plazan ikusteko aukera egongo da, Orereta Palestinarekin taldearen ekimenez. Atzo jarri zituzten 23 artelanak, eta horiei batu zaizkie herrian sortutako pankartak.
Gaur eta bihar arratsaldean 17:00etatik 20:00etara ikusi ahal izango dira artelanak. Bihar eguerdian, berriz, 12:00etatik 14:00etara egongo dira ikusgai.
Honakoak dira egileak: Unai Iturriaga, Ainara Azpiazu Axpi, Edurne Kortabarria, Higinia Malmö, Joseba Beramendi Exprai, Ane Arzelus, Leire Urbeltz, Oier Zuñiga, Unai Bergara, Iñaki Landa, Mikel Mendibil, Txema Esteban, JJ. Chas, Mikel Santos Belatz, Jokin Larrea, Beni/Benigno, Ekain Strummer, Aritz Irigoien, Amaia Zurbano, Agustin Ferrer, Ander Pergoi, Unai Gaztelumendi eta Ernesto Murillo.
