Oiarperen asteburuko partiden emaitzak (2024-04-15)
Oiarpeko pilotariek 32 partida jokatu dituzte, eta hamazazpi garaipen poltsikoratu dituzte. Finaletarako txartelik ez dute lortu.
Oiarpeko pilotariek 32 partida jokatu dituzte asteburuan. Hamazazpi partida irabazi dituzte (horietako hiru elkarren kontra jokatutakoak izan dira).
Kanporaketa garrantzitsuenak Iruritan (Nafarroa) jokatu dituzte. Baztango Udaberri Txapelketako finalerdietan aritu dira Oiartzungo bi bikote, bakoitza bere kategorian.
Gaztetxoen B Mailan, Etxepare eta Caetanok osatutako bikoteak Zubiria eta Gorraitz irurtzundarren kontra galdu zuten, 18 eta 5eko emaitzagatik.
Kategoria berean, baina A Mailan, gauzak estuago joan ziren. Oses hernaniarrak eta Etxeberria oiartzuarrak osatutako bikoteak 18-10 galdu zuen Oltza Oberenakoaren eta Artetxe Ilunpekoaren aurka.
Bihar arratsaldean, berriz, Bergara Hiria Txapelketako final laurdenak jokatuko dituzte. Leonet oiartzuarra Apezetxea goizuetarrarekin batera arituko da hurrengo fasearen bila, Sanchez eta Santesteban Oberenakoen kontra.
