Oiartzuarrak gabarran bueltatu dira Bilbotik
San Ignacioren zelaian nagusitu dira Oiartzun KEko emakumeek. Gizonek garaipena lortu dute etxean, partidaren azkeneko hatsean.
Bilboko San Inazio auzoko zelaian aritu ziren oiartzuarrak, atzo. Oiartzungo emakumeen lehen taldea garaipen polita lortu du Bilbon. Ez irabazteko moduagatik, baizik eta hiru puntu baliotsu eskuratu dituzte.
Oso ongi hasi ziren oiartzuarrak, eta 20. minuturako 0-2 aurreratu ziren oiartzuarrak, San Ignacioren zelaian. Lizaso eta Rosco izan ziren golegileak. Etxekoek, baina, erreakzio azkarra izan zuten, eta hiru minutura aldea murriztu zuten, falta baten bitartez.
Partida, hortik aurrera, nahaste-borrastea izan zen, eta onena garaipena izan zen. Bilbon irabazita, gabarran etorri zirela esan daiteke.
Mutilen taldeak ere garaipena lortu zuen, Ugaldetxon. Lehen zatian baloiaren jabetza oiartzuarrena izan zen, eta atsedenaldira iritsi baino minutu bat lehenago Irazokik sartu zuen oiartzuarren lehen gola. Aldageletatik bueltan Mutrikuk berdintzea lortu zuen.
Azken ordu laurdena kaotikoa izan zen. 80. minutuan Irazokik bere eta taldearen bigarren gola sartu zuen, oiartzuarrak aurreratzeko, baina mutrikuarrek berdintzea lortu zuten 90. minutuan. Bihotzekoak emateko motiboak emateko moduko luzapena jokatu zuten, eta seigarren minutuan iritsi zen garaipenaren gola, Vargasen bidez.
Areto futbola
Areto futbolari dagokionez, lehen taldea Lasarte-Orian aritu zen, Eguzkiren kontra. Etxeko taldea guztiz eklipsatu zuten, partidaren kontrola hasieratik bukaeraraino izan baitzuten oiartzuarrek.
Atsedenaldira 0-4ko emaitzarekin joan ziren, eta bigarren zatian beste dozena erdi gol eskuratu zituzten. Lasartearrek gol bat sartzea lortu zuten.
Bigarren Mailan, Miren Tabernak gauzak estuago izan zituen, Elorsoron. Oiartzungo taldeak bi aukera garbi izan zituen arren, kanpoko taldea aurreratu zen. Atsedenaldia baino lehen oiartzuarren berdinketa iritsi zen.
Bigarren zatian berriro ere Legorretako taldea aurreratu zen, baina oiartzuarrek ez zuten burua jatsi eta hiru gol sartuz, 4-2 jartzea lortu zuten.
Dena erabakia zirudienean kanpoko taldeak gola sartu eta abantaila murriztea lortu zuen. Partida bukatzeko bi minuturen faltan, etxeko taldearen azken gola iritsi zen.
Emakumeen 3. RFEF Maila
- San Ignacio — Oiartzun: 1-2.
Gizonezkoen Ohorezko Erregional Maila
- Oiartzun — Mutriku: 3-2.
Emakumeen Euskal Liga
- Real Sociedad C — Oiartzun B: 3-1.
Gizonen Lehen Erregionala. Kopa M-1.
- Oiartzun B — Amara Berri B: 5-3.
Emakumeen Ohorezko Erregional Maila
- Oiartzun C — Goierri Gorri: 1-7.
Mutilen Gazte Mailako Euskal Liga
- Romo — Oiartzun: 4-2.
Mutilen Gazte Mailako Gorengo Maila
- Arrupe Chaminade B — Oiartzun B: 3-1.
Mutilen Gazte Mailako Lehen Maila. Kopa M-1.
- Usurbil B — Oiartzun Ck: 0-1.
ARETO FUTBOLA
Gizonen Gipuzkoako Lehen Maila
- Eguzki Arkupe Rehabilitaciones — Oiartzun: 1-10.
Gizonen Gipuzkoako Bigarren Maila
- Miren Taberna — Bilkoin Basabe Legorreta: 5-3.
