Xoxolur, Gipuzkoako kostaldeaz gozatzen
Zarautz eta Zumaia arteko mendi bidea egin ondoren, Getarian izan dira mendizale lezoarrak bazkaltzen eta jolasean.
Xoxolurrekoek, igandeko txangoaren atseden une batean. Joan den igandean egin zuen Xoxolur Mendi Klubak udaberriko lehen irteera. Zarauztik Zumaiarako mendi ibilaldia egin zuten, eta Zumaiako Santiago hondartzan bukatu bidea, egun hartako eguraldiari zegokion bainua hartzen hango paisaia ederrez gozatu ondoren. Taldetxo polita joan zen Lezotik Gipuzkoako kostaldeko zonalde hartara.
Bainuaren ostean Getariako Askizu auzora igo ziren, eta hango pilotalekuan, jolasean bukatu zuten irteera.
Datorren irteeran maiatzaren 12an egingo dute. Nora joango diren aurki esango dute Xoxolurrekoek. Hori bai, hara ere herritar oro gonbidatu dute.
