San Marko egunaren harira, hiru lasterketa
Errenteria Atletismo Taldeak mendi lasterketa, errepide lasterketa eta ipar martxa antolatu ditu hilaren 28rako.
San Marko Egunaren harira, hiru lasterketa antolatu ditu Errenteria Atletismo Taldeak, hilaren 28rako. San Marko Igoeraren hemezortzigarren ekitaldia egingo du. Errepide lasterketan parte hartzen dutenek, 5,3 kilometroko ibilbidea egin beharko dute eta bidean 390 metroko desnibelari egin beharko diote aurre.
10:30ean abiatuko dira Herriko Plazatik Bizarain mendiaren tontorrean bukatzeko bidea. 150 lagunera mugatu dute parte hartzea, eta prezioa berriz, 15 eurokoa da.
Bigarren lasterketa ordu erdi lehenago abiatuko da leku beretik, eta mendi lasterketa da. Honakoa, hamargarren ekitaldia izango du. Parte hartzaileek 12, 7 kilometroko bidea egin beharko dute eta 690 metroko desnibela izango dute, prezioa 18 eurokoa da, eta 150 lasterkarirentzat izango da lekua. Bukatzeko, Ipar Martxa antolatu dute, lehenengoz. Parte hartzaileak 09:00etan abiatuko dira Herriko Plazatik 390 metroko desnibela duen 7,5 kilometroko bidea egiteko. Muga, 60 pertsonan jarri dute eta prezioa berriz 12 eurokoa da.
Lasterketetan parte hartzeko 16 urtetik gorakoa behar da. Izena emateko, egin klik hemen.
