Koldokide berrasmatzera doaz
Horri begira saioa antolatu du larunbaterako Biteri eraikinean. Gurasoei deia luzatu diete parte hartu dezaten.
Osatzen duten hezkuntza komunitatearekin duten konpromisoa agerikoa da, ez hitzez, ekintzez baino, inplikazioa erabatekoa dutelako. Koldokide, Koldo Mitxelena Herri Ikastetxeko guraso elkarteak dinamismo eta ekiteko gaitasun handia duela erakusten ari da etengabe.
Orain guraso elkartea berrasmatu nahi dute. Hala azaldu dute, eta horretarako, ahalik eta guraso gehienen parte hartzea bermatu nahi dute hilaren 20rako (larunbata) prestatu duten saioan, “proiektu berria sortzera goaz, eta guraso gehienon artean osatu nahi dugu. Nondik gatozen oso presente edukita, nora goazen definitu nahi dugu”.
Biteri eraikinean egingo dute saioa hilaren 20an, 10:00etatik 13:00etara eta ahalik eta guraso gehien bertaratzea nahi dute. Bertaratzea ezinezkoa dutenentzat, galdetegia jarri dute eskura (egin klik hemen) eta hura beteta ekarpena egiteko eskatu diete.
