Aurtengo Karmengo Jaiak prestatzen hasiko dira trintxerpetarrak
Datorren ostegunean (hilak 25) egingo dute lehen bilera, arratsaldean. Trintxerpetar orori luzatu diote bertaratzeko gonbita.
Trintxerpeko Jai Batzordeak aurtengo Karmengo Jaiei begira jarri da jada, eta 2024koa prestatzen hasteko lehen bilera egingo dute datorren astean. Ostegunean (hilak 25) izango da, 20:00etan, Trintxerpeko alkateordetzan.
Uztailaren 12an hasi eta 16an bukatuko dituzte aurtengo jaiak, ostiraletik asteartera hain zuzen.
Jai Batzordeko kideek gogorazi dute “edonorentzat irekia” dagoela batzordea, eta jaietan lagundu nahi dutenei, zerbait antolatu nahi dutenei edota besterik gabe jaietan interesa duten guztiei bilerara joateko gonbida egin diete. “Animatu eta etorri, herriko tradizioek eta ospakizunek jarraipena izan dezaten”.
