8.000 oiartzuar daude botoa ematera deituak igandean
8.249 oiartzuarrek izango dute igandean Eusko Legebiltzarreko hauteskundeetan botoa emateko eskubidea. Udalak hautes-mahaien berri eman du.
Botoa ematen artxiboko irudi batean Zehazki 8.249 oiartzuarrek izango dute igandean Eusko Legebiltzarreko hauteskundeetan botoa emateko eskubidea, eta horretarako herriko zazpi lekutan 13 boto kutxa jarriko dituzte.
Gauzak horrela, hauteslekuen kokapena zein den gogorarazi du udalak. Bestalde, ohartarazi dute iaz egin ziren aldaketak mantenduko direla: Ugaldetxoko bizilagunek auzoko lokal berrian eman beharko dute botoa (Rafael Pikabea etorbidea 56-58) eta iturrioztarrek, aldiz, Dorretxean (Ozentzio kaleko 3. zenbakian, baina Zirauki kaleko atetik sartu beharko da). Elizalden, berriz, ikastetxeko frontoian izan beharrean ikastetxe barruan jarriko dituzte hautes-mahaiak.
Hautes-mahaien kokapena
- Altzibar eta Karrika (bi mahai): Altzibarko eskoletan (Agerrealde etxadia 7).
- Arragua (bi mahai): Anbulatorioan (Lartzabal etxadia z/g).
- Elizalde (4 mahai): Elizalde ikastetxea (Manuel Lekuona etorbidea 5).
- Ergoien (mahai bat): Auzokalte elkartean (Tornola kalea 4).
- Gurutze (mahai bat): Bizardia elkartean (Gurutze bidea 18).
- Iturriotz (mahai bat): Dorretxean (Ozentzio kalea 3 behea).
- Ugaldetxo (bi mahai): Auzoko udal lokalean (Rafael Pikabea 56-58).
Udalak gogorarazi du 2023ko azaroaren 29an erroldatutako helbidearen baitan zehaztu duela INE-k herritar bakoitzak zein tokitan eman behar duen botoa; beraz, azken hilabeteetan erroldan aldaketaren bat egin duten herritarrek aurreko helbideari dagokion hauteslekura joan beharko dute.
