Hilaren 27a, festa eguna Meipin
Meipiko Jai Batzordeak eta Xantixa elkarteak Udaberri izeneko festa antolatu dute hurrengo larunbaterako. Egun osokoa izango da.
2022ko Meipiko Jaietako irudia da. Hilare 27an ere festa izango da nagusi. Datorren hilaren 27an (larunbata) festa izango da nagusi Meipi inguruan, jai batzordeak eta Xantixa Kultur Elkarteak Udaberri izeneko festa eguna antolatu baitute ordurako. Egun osoko egitaraua ondu dute auzotarrek, txiki zein helduei begirakoa.
11:00etan abiatuko dute eguna, RK Gazte Elkarteak antolatuta, haurrentzako jolasak izango dira Meipiko plazan. Jarraian, 12:00etan, muxikoek dantzan jarriko dute plaza. 14:30ean, sabelak betetzeko unea helduko da. Helduek 15 euro ordaindu beharko dituzte eta haurrek, berriz, 5. Txartelak Ganbara, Juantxo, Meipi, Pari Berri eta Patxiku tabernetan eskura daitezke (erosteko azken eguna hilak 27 izango da). Bazkalostean bingoa izango da.
Arratsaldean musika izango da nagusia. 18:00etan Kiler 18 txarangak musika emanaldia eskainiko du, eta ondoren, DJ batek alaituko du plaza.
