Ostiralen emango diote bukaera Ganbera Musikaren XIII. Asteari
Azken emanaldia ere Trintxerpeko alkateordetzan izango da, arratsaldez. Kantuko ikasleen txanda izango da.
Hilaren 17ko saioko irudi bat. Datorren ostiralean (hilak 26) Ganbera Musikaren XIII. Astea itxitzat emango dute (hilaren 15tik 18ra izan ziren lehen saioak). Azken emanaldia jasoko du Trintxerpeko alkateordetzak 19:30etik aurrera. Itxiera emanaldi honetan, kantuko ikasleak igoko dira oholtzara, bi soprano eta tenore bat, piano jotzaile batek lagunduta. Aurreko saioetan bezalaxe, sarrera librea izango da, aforoa bete arte.
Illumbe Musika Elkarteak hilaren 15 eta 18ko saioen gaineko balorazioa egin du, oso positiboa izan dela diote. “Musikeneko ikasleen maila apartekoa izan da eta urteekin publikoa fidelizatzen goaz. Giro intimista bat sortzen da”. Bide batez, ostiraleko saiora joateko deia luzatu diete pasaitarrei.
