Europako hauteskundeen errolda eta hauteslekuak, kontsultagarri
Ekainaren 9an izango dira hauteskundeak. Hautets-errolda 2024ko urtarrilaren 30aren arabera osatu da. Hilaren 29ra arte kontsulta eta erreklama daiteke.
Eusko Legebiltzarreko hauteskundeak atzean utzi berritan, Europakoak daude ortzi-mugan. Ekainaren 9an egingo dira. Oiartzungo Udalak gogorarazi duenez, dagoeneko kontsulta daiteke errolda eta botoa emateko mahaien kokapena.
Errolda 2024 urtarrilaren 30aren arabera osatu da. Alegia, egun horretan hautesle bakoitza erroldatuta zegoen helbidearen arabera joan beharko da dagokion hautets-mahaietara.
Hautesle-errolda kontsultatu eta erreklamazioak aurkezteko epea hilaren 22tik 29ra (datorren astelehena) izango da.
Horrela egin daiteke kontsulta:
- Aurrez-aurre: Udaletxeko idazkaritzan (NA, pasaportea edo gida-baimena erakutsi behar da).
- Online bidez. Oharra: @firma plataformarekin bat datozen ziurtagiri elektronikoren bat behar da, esaterako, NA-e, Izenpe, FNMT, eta abar. (B@kQ ziurtagiriak ez du balio).
- Ziurtagiri digitala ez duten hautesleek ere online jakin ahal izango dute zein hauteskunde-mahaian dagokien bozkatzea. Horretarako, hainbat datu eskatuko zaizkie: probintzia, udalerria eta lehen abizenaren lehen letra. Kontsultak, hemen.
Mahaietako kideen zozketa
Maiatzaren 11tik 15era egingo du udalak hauteslekuetan egongo diren hamahiru mahaietako kideak aukeratzeko zozketa. Zozketa egindakoan, titular eta ordezkarien informazioa webgunean jarriko du lehen aldiz udalak, herritarrek kontsultatzeko aukera izan dezaten.
Botoa emateko tokiei dagokienean, pasa den igandeko tokiak mantenduko dira ekainaren 9ko deialdian ere:
- Elizalde: Elizalde ikastetxea (Manuel Lekuona etorbidea 5).
- Iturriotz: Dorretxean (Ozentzio kalea 3 behea).
- Arragua: Anbulatorioan (Lartzabal etxadia z/g).
- Altzibar eta Karrika: Altzibarko eskoletan (Agerrealde etxadia 7).
- Ergoien: Auzokalte elkartean (Tornola kalea 4).
- Gurutze: Bizardia elkartean (Gurutze bidea 18).
