Oiarperen asteburuko partiden kartelera (2024-04-26)
Oiarpeko pilotariek 34 norgehiagoka izango dituzte jardunaldi honetan. Bi bakarrik izango dira kanporaketei dagozkienak.
Oiarpeko pilotariek 34 partidako kartelera izango dute asteburu honetan. Atzo lau partida jokatu zituzten, Madalensoron, eta gaur beste bost izango dira etxeko kantxan jokatuko dituztenak. 18:00etan hasiko da partida-sorta.
Bihar arratsaldean, berriz, gaur bezainbeste norgehiagoka jokatuko dituzte. Kasu horretan, 17:30ean hasiko dira.
Asteburuko partida gehienak lehen faseetakoak izango dira. Bi izango dira salbuespenak. Oier Zabaletak Master Kaiola txapelketako final zortzirenak jokatuko ditu, bihar arratsaldean. Etorkizuneko Pilotariak kategoriakoa izango da kanporaketa hori, lau t’erdikoa. Arerioa Ilunpeko Egiguren izango da. Oiartzuarraren eta azpeitiarraren artekoa 19:30ean hasiko da, Zornotzako pilotalekuan.
Beste kanporaketa asteartean jokatuko dute, Bergaran (19:30ean hasiko da). Taldekideen arteko lehia izango da. Oihan Etxeberria oiartzuarrak Oberenako Apeztegiarekin osatzen du bikotea Bergara Hiria txapelketan, eta aurrez aurre izango du Zabaleta taldekidea. Lagun Onak-eko Bullonekin osatzen du bikotea.
