Herriak parte hartzeaz eta gobernantzaz duen iritzia aztertu nahian
Hamabi galderako inkesta bat prestatu du Errenteriako Udalak herritarrek parte hartzeaz eta gobernantzaz duten iritzia jakite aldera.
Errenteriako Udala herritarrekin dituen harremanen eta hauei eskaintzen dizkien zerbitzuen inguruko azterketa bat ari da egiten, eta, besteak beste, gaurtik maiatzaren 8ra bitartean herritarrek erantzuteko inkesta bat prestatu du.
Inkesta horrek hamabi galdera ditu, eta sarean zein paperean bete daiteke. Galderak fisikoki erantzun nahi izanez gero, papera Udaletxeko zein Aldakoeneako ZU! Zerbitzuetan eskura daiteke, eta udaletxean utzi beharko da bete ondoren.
Inkesta horretako parte hartzea borondatezkoa da, eta informazio guztia modu anonimoan erabiliko dute. Hain zuzen, azterketa honen bidez gobernantza partekatuago baterako aukera eta beharrak identifikatuko ditu udalak, eta emaitzak bildu ondoren, udalaren webgunean argitaratuko dituzte.
