Oiartzun Burujabe aurkeztuko dute larunbatean
Hernaniko esperientzia kontatuko dute larunbat goizean, eta tokikoa aurkeztu. Hamaiketakoa eta musika ere izango dira.
Oiartzun Burujabe proiektua martxan jarri dute, eta datorren larunbatean aurkeztuko dute, Done Eztebe plazan. Orain arte egin diren urratsen berri emango dute, eta etorkizunean emango direnei buruz arituko dira maiatzaren 4ko eguerdian egingo den ekitaldian. Oiartzuar guztiak gonbidatu dituzte prestatutako jardueretan —bai aurkezpenetan zein ludikoan— parte hartzera.
Oiartzunek badu non begiratu: Hernaniren eredua. Urte batzuk badaramate bidea egiten eta, horregatik, Hernani Burujaberen esperientzia partekatuko dute larunbatean.
“Elkarlanean eraikiko dugu Oiartzun burujabeago bat, zurekin kontatzen dugu!”, egin dute gonbita Oiartzun Burujaberen antolatzaileek.
Egitaraua
- 11:00etatik 11:45era: Hernani Burujaberen esperientzia ezagutzeko aukera.
- 11:45etik 12:00etara: Oiartzun Burujaberen aurkezpena eta argazkia.
- 12:00etatik 13:00etara: Hamaiketako burujabe musikatua.
