Palestinako sarraskia salatzen duen erakusketa, asteburuan
Euskal Herriko 23 artistak osatutako lan aldarrikatzaileak ikus ahal izango dira ostiralean, larunbatean eta igandean.
Apirileko bigarren asteburuan Errenteria-Oreretan ikusi ahal izan zen erakusketa. Euskal Herriko 23 artistak Israel Palestinan aurrera eramaten ari den genozidioa salatzeko artelanak sortu zituzten. Martxoaren 17an Donostian egin zuten manifestazioan aurkeztu zituzten.
Erakusketa ibiltaria da, eta hura osatzen duten 23 lanak gertutik ikusi ahal izango dira Oiartzungo Done Eztebe plazan, datorren asteburuan. Honako ordutegia izango du (ostiralean arratsaldez, eta larunbat eta igandean goizez):
- Ostirala, hilak 3: 17:00etatik 20:00etara.
- Larunbata, hilak 4: 10:00etatik 14:00etara.
- Igandea, hilak 5: 10:00etatik 14:00etara.
Honakoak dira egileak: Unai Iturriaga, Ainara Azpiazu Axpi, Edurne Kortabarria, Higinia Malmö, Joseba Beramendi Exprai, Ane Arzelus, Leire Urbeltz, Oier Zuñiga, Unai Bergara, Iñaki Landa, Mikel Mendibil, Txema Esteban, JJ. Chas, Mikel Santos Belatz, Jokin Larrea, Beni/Benigno, Ekain Strummer, Aritz Irigoien, Amaia Zurbano, Agustin Ferrer, Ander Pergoi, Unai Gaztelumendi eta Ernesto Murillo.
