Emakume espartingileen ibilbidearen buruzko dokumentala, bihar
'Ainarak' filma proiektatuko dute bihar Landetxen, Nafarroako Pirinioetako haranetatik Zuberoara joaten ziren emakume langileei buruzkoa.
Alpargatak ekoizten zituzten ainarek. Landetxeko ostegun zinematografikoek jarraipena izango dute bihar, hilak 2. Oraingoan dokumental bat eskainiko dute, Euskal Herri barruko —eta Aragoiko— urteroko migrazio-fenomeno bati buruzkoa.
Ainarak filma emango dute bihar, 19:30ean hasita. Juan San Martinek eta Ritxi Lizartzak zuzendu dute dokumentala, Marga Gutierrezen gidoiaren gainean. Ainarak Pirinioak zeharkatzen zituzten emakumeak ziren, espartinak egiteko fabriketara lanera zihoazenak.
Haiei buruzko dokumentala ikusteko sarrerak salgai daude, online. 3 euroko kostua izango dute.
Sinopsia
Pirinioak oinez zeharkatzen zituzten Zaraitzu, Erronkari, Anso eta Echo ibarretako milaka emakumek Maule-Lixtarrera (Zuberoa) iritsi eta espartingintzan aritzeko. Merezi duten lekua eman nahi diegu iraganera egingo dugun bidaia honetan. Espartin-fabriketan lan egiteko bidaiatu zuten 1870tik 1940ra. Emakumeek, askotan 12 urtetik aurrerakoek, familia eta herria utzi eta lanera joaten ziren, egunean hamasei orduz arituta, diru pixka bat irabazteko.
