Erdi Aroko Jardunaldiak prestatzeko bilera irekia, astelehenean
Aurtengo gaia Iruñeko Erresuma sortu zeneko 1.200. urteurrena izango da. Hilaren 6an hasiko dira prestatzen.
Iaz egin zituzten, lehen aldiz, Erdi Aroko Jardunaldiak. Erdi Aroko Jardunaldiak estreinakoz egin zituzten iaz, eta antolatzaileak asebete zituen. Horregatik, aurten ere berriro egitea erabaki dute.
Prestaketa lanetan hasiko dira. Datorren astelehenerako, hilak 6, bilera irekia deitu dute. Oiartzungo udaletxeko pleno aretoan izango da, 19:00etan hasita.
Iaz Libourneko Ituna —eta Oiartzunek izan zuen aipamena— izan zen lehenengo jardunaldien gaia. Aurtengo gaia zein izango den aurreratu dute: Iruñeko Erresumaren 1.200 urteurrena.
Erdi Aroko jardunaldietan modu batera edo bestera parte hartu nahi dutenak gonbidatu dituzte. Egongo diren aukera batzuk zerrendatu dituzte: pertsonaiak antzeztea; haur jolasetan laguntzea; jantziak eta dekorazioa prestatzea; ostatu eta bazkariko txandak egin…
Iazko argazkiak errepasatu nahiko lituzkeenak, badu horretarako aukera.
