Urdaburu Miarritzeko lakuetara joango da maiatzaren 11an
09:00etan elkartuko dira Errioxa biribilgunean kotxeetan antolatzeko. Bestela, 09:45ean Miarritzeko Milady hondartzako parkingean elkartuko dira.
Urdaburuk antolatutako ipar martxa irteera baten artxibo irudi bat Maiatzaren 11n egingo duten Ipar Martxaren berri eman du Urdaburuk. Miarritzeko lakuetara joango dira oraingoan, eta esan dutenez 12 kilometro inguruko ibilbidea izango da, desnibel gabea.
09:00etan Errenteriako Errioxako biribilgunean elkartuko dira lehenbizi kotxeak antolatzeko; kotxe partikularretan joatea denez asmoa, erregaia eta bidesariak denen artean ordainduko dizute. Bestela, 09:45erako egin dute deialdia, Miarritzeko Milady hondartzako parkingean.
Izen ematea Urdaburuko egoitza egin beharko da maiatzaren 9ra arte idazkaritzan, 943 52 78 79 zenbakira deituz edo formularioaren bidez.
Antolatzaileek ura, kiroletako zapatilak eta Ipar Martxako makilak eramateko ohartarazi dute.
