Josebe Blancok liburua aurkeztuko du maiatzaren 8an
'Hausnarrean. Ardiek egin naute artzain' liburua aurkeztuko du datorren asteazkenean, Labore Oarsok gonbidatuta.
Josebe Blancok bere liburua eta artzaintza izango ditu hizpide. Labore Oarsok liburu baten aurkezpen ekitaldia antolatu du hilaren 8rako (datorren osteguna). Zehazki, Josebe Blancok Hausnarrean. Ardiek egin naute artzain berak idatzitako liburuaren berri emango du. Artzaintza ere izango du hizpide. Laboreren egoitzan izango da saioa, 18:00etan hasita.
Liburu horretan, Labore Oarsok jakinarazi duenez, nola bizi da artzain bat? galderari erantzuna bainoago, artzain batek zer bizi duen aurki daiteke, eta horrek nola duen.
Blancok eguneroko batean jaso du artaldearen urtebetea. Urtebete horretan sartzen dira bizipenak, hausnarketak, borrokak, ezinak eta pozak. Gehienetan prosaz, batzuetan poesiaz.
“Artzaintzaren imajinario estandarrean sartzen ez den artzaina dago orrialdeotan: emakumea, euskalduna, ekologista, barazkijalea…”, zehaztu dute. “Bazterreko parajeetatik begiratzen dio munduari, arretaz; nahiz eta jabetu inork askok ez diela bazterrei begiratzen modernitatearen ordainpeko autobidetik”.
