Ekitaldi ugari izango dira Oiartzungo Erroten Astean
Hilaren 12an Gipuzkoako Errota Eguna izango da, eta hiru egunetan lantegi horiekin gozatzeko egitaraua prestatu dute.
Ihurritako errota. Hilaren 12a Gipuzkoako Errota Eguna ospatuko da, eta horren harira, hainbat ekitaldi antolatu dituzte Oiartzunen. Hainbat eragilek aritu dira, elkarlanean, prestaketan: Oiartzunen Ihurrita Errota sustatzeko Elkartea, herriko errotariak, Ondarearen Mahaia eta Oiartzungo Udala.
Errotek garrantzia ikaragarria zuten garai batean, eta horien berebiziko funtzioa aitortzeko eguna da maiatzaren 12a. Oiartzunen, hiru ekitaldi prestatu dituzte haien funtzionamenduaren berri emateko, baita ondarea aitortzeko ere. Hilaren 9, 11 eta 12rako ekitaldi bana antolatu dute.
Egitaraua
- Hilak 9, osteguna: Errotarri-harrobiak Oiartzunen hitzaldia Javier Castroren eskutik. 19:00etan, Arizmendienean.
- Hilak 11, larunbata: Zorrolako errotarri-harrobira ibilaldi gidatua Javier Castrorekin. 10:00etan Karrikako frontoitik.
- Maiatzak 12, igandea: Errotaz errota Oiartzun ibaiaren barrena. Txalakako errota, Arraskueko errota, Ugarteko errota eta Ihurrita errotara bisita gidatua, Alex Rotetarekin.
- Xehetasunak: 10:00etan Ihurrita errotan (Ugaldetxon) geratu dira. Xorrola autobusean joango dira errotatik errotara. Igandeko saioan parte hartzeko Oarsoaldeako Turismo Bulegoan eman beharko da izena (doan izango da). Horretarako, 943 49 45 21 telefonora deitu daiteke edo haien e-posta helbidera idatzi.
